一班完成「綠‧識」未來技能培訓計劃嘅青年及義工，透過家居及社區觀察，以及同長者嘅交流，針對長者日常生活上出現嘅問題，例如因喜歡儲物而產生嘅衛生問題、忘記關水喉而引起嘅水浪費、長期使用手推車拾荒造成嘅身體勞損等，製作出提升長者生活嘅創新綠色發明，包括智能關水喉裝置、智能手推車等，期望啟發長者對綠色生活嘅投入，改善長者福祉。

10個綠色發明現正於青協領袖學院展出，大家可以近距離參觀並解構箇中原理，了解青年設計師嘅發明意念，體驗將可持續發展同綠色技能應用到日常生活中。

「綠色未來展覽」
日期：即日起至2023年10月2日
地點：香港青年協會領袖學院 （粉嶺馬會道302號）
開放時間：10:00 – 18:00